Musikar og komponist Rannveig Djønne og forfattar Ruth Lillegraven kjem begge frå Hardanger. Dei har samarbeidd ved fleire høve dei siste ti åra. Til denne kvelden har dei samla nokre høgdepunkt frå eigne slåttar og dikt. Velkomen til ei kveldsstund med ord og tonar, fjord, fjell, folk og lagnader.

Foto: Ann Sissel Holthe og Elisabeth Emmerhoff

Ruth Lillegraven (f. 1978) kjem frå Granvin. Ho har sidan debuten i 2005 skrive ei rekkje bøker i ulike sjangrar for både barn og vaksne. Blant dei mest kjende bøkene er diktsamlingane "Urd" (Brageprisen 2013) og "Sigd" (2016) og dei to krimbøkene om Clara Lofthus. Tekstane hennar er mykje brukt av ulike musikarar.

Rannveig Djønne (f.1974) kjem frå Djønno. Ho er toradarspelar og komponist og har mellom anna gjeve ut «Spelferd heim – Slåttar frå Hardanger og Voss på durspel» (2008) og «Toras Dans – populærmusikk frå Hardanger (2012) og «Skyer av Perlemor» (2023) saman med Annlaug Børsheim. Sistnemnde plate har tekstar av Ruth Lillegraven og dei har jobba saman i dei to musikkteatera «Soga om Seselja» og «Husmann».

Medverkande:
Rannveig Djønne, toradar
Ruth Lillegraven, diktlesing