Kurs

Jørn Hilme-stemnet har ei rikhaldig kurspakke i spel og dans. Velkomen til landets beste sommarkurs for vaksne!

Foto: Anne Marte Før

Information in english

På Jørn Hilme-stemnet møtest publikum og artistar på tvers av generasjonar. Difor legg vi til rette for gode rekrutteringstiltak for vaksne i både spel og dans. Vi tilbyr kurs for vidarekomne og for dei som er heilt ferske. Mange er interesserte i å lære meir av noko dei begynte på i ungdomen, og somme er ute etter eit miljø der dei kan finne andre med same interesse.

Vi tilbyr kurs i tradisjonar som høyrer heime i Valdres, men òg tradisjonar frå andre delar av landet. I sommar kan du lære valdresspringar, bonde, gamaldans, pols, munnharpe, langeleik, toradar, hardingfele, bukkehorn og slåttetralling. Kursdagane under Jørn Hilme-stemnet involverer dei fremste lærarkreftene innanfor dei ulike sjangrane.

Program:

ONSDAG 10. JULI
15.30 Kursa byrjar med samling og fordeling i grupper
17.30 Kursa ferdige

TORSDAG 11. JULI
14.00 Kurs
16.00 Kaffepause med enkel servering
17.00 Kurs
18.00 Kursa ferdige

FREDAG 12. JULI
10.00 Kurs
12.00 Kursa ferdige

Fakta om kursa:

• Når: 10. juli–12. juli
• Kvar: Valdres Folkemuseum, Fagernes
• Pris: 1100 kr – som inkluderer servering torsdag, konsertar onsdag, torsdag og fredag

Velkomen til å lære noko nytt!