Utstillingsopning, kurs og konsert
Nasjonalmuseet, Valdresmusea og Hilme året rundt inviterer til opning av den turnerande utstillinga «Skakke folkedrakter».
Foto: Nasjonalmuseet
Tid og stad: Laurdag 17. juni i Fagernes sentrum og på Valdres Folkemuseum på Fagernes. Arrangementet startar klokka 17.00. Sjå fleire detaljar i programmet under.
Det er gratis å delta, men du må reservere billett for å vere med. Det gjer du her!
I «Skakke folkedrakter» har seks samtidskunstnarar undersøkt mangfaldet av kulturar og tradisjonshandverk. Kunstnarane har vore i dialog med handverkarar og kunnskapsberarar, og skapt sine eigne tolkingar gjennom fotografi, vev, keramikk, støymusikk og dans.
Valdres Folkemuseum er den første av i alt åtte visningsstader for utstillinga, som dei kommande to åra skal reise på kryss og tvers av Noreg og Sápmi.
Kunstnarar i prosjektet er Harald Beharie, Lin Wang, Christian Blandhoel, Rafiki, Márjá Karlsen og Håvard Kranstad.
Program
Kl. 17.00–18.00
Pride-parade frå Fagernes til museet langs fjorden. Oppmøte ved Shell kl. 16.30. Paraden er open for alle: ungar, ungdom, vaksne, gåande, rullande og firbeinte. Du kan kle deg i akkurat det du vil: bunad, olabukse, treningsdrakt, uniform, finkjole, badedrakt eller arbeidsklede. Vift med det flagget du likar aller best. Bli med eller still opp langs ruta! Appellar på museet frå kl. 17.30.
Kl. 18.00–18.30
- Utstillingsopning leia av Dávvet Bruun-Solbakk, kunstnar
- Musikalsk innslag
- Taler
Kl. 18.30–22.00
- Open utstilling
- Musikk og pop up-aktivitetar:
Intimkonsert 1: Jan Beitohaugen Granli
Intimkonsert 2: Marit Karlberg og Øyonn Groven Myhren
Halling med Eilif Hellum Noraker
Lynkurs i springar
Kl. 21.00–03.00
- Tuvas blodklubb med karaoke og DJ
- Open pub og sal av lokalmat
Velkomen!