Her kan du ta sigersdansen etter kviss-oppturen, eller kanskje treng du danse av deg eit surt nederlag? Uansett kva grunn du måtte ha, dans blir det, og det til musikk mellom anna frå kursinstruktørane.

Foto: Cathrine Dokken

Festivalarenaen vår, Valdres Folkemuseum, er eit av dei største friluftsmusea i landet med over hundre gamle hus og bygningar. I nokre av dei gamle stovene på museet vil det vere variert dansespel utover sommarnatta.

Erfaren eller heilt fersk. La deg rive med i dei taktfaste stega. Kjenn varmen frå menneska som driv rundt i den same rytmen som deg sjølv. By opp til dans, eller ta handa som byr deg opp. I det sosiale samværet i dansen møtest menneske på tvers av ulike føresetnader. I det kroppslege nærværet med dansepartnaren din lærer du deg å ta omsyn, og å vise omsorg for eit anna menneske. Dessutan er det godt å verke saman med andre menneske! Det vil vere dans på fleire golv heile kvelden, også medan det er konsertar.

By opp sjølv, eller ta handa som byr deg opp, og bli med ut på golvet!

Velkomen, gamle og nye dansarar.

Foto: Eva Karlsson

Til drivande godt dansespel kan du svinge deg inn i dei seine nattetimane! I festivalteltet diskar vi opp med gamaldans av beste klasse, og i kveld er det gruppene SKROT og Gjevre, Odde & Vårdal som står for musikken.

SKROT er ei folkemusikkgruppe med utspring frå Ole Bull-akademiet på Voss. Dei seks unge musikarane har alle sterke røter i runddansmusikken, men evner samstundes å utfordre musikken med element frå ulike sjangrar. Debutalbumet deira, «Steg» inneheld ei god blanding av tradisjonelle og nykomponerte melodiar. SKROT spelar med ei smittande speleglede og eit makelaust driv, der presisjon og overskot går hand i hand. Dette skulle passe perfekt ein Hilmekveld på Valdres Folkemuseum!

Medverkande:
Ragna Valde Sletten, fele og hardingfele
Ane Stakston Aasen. Fele og hardingfele
Steinar Odde, trekkspel og gitar
Vegard Hansen, trekkspel
Semon Harerusten, gitar og cittern
Live Visdal, kontrabass

Foto: Thor Hauknes

Til drivande godt dansespel kan du svinge deg inn i dei seine nattetimane! I festivalteltet diskar vi opp med gamaldans av beste klasse, og i kveld er det gruppene SKROT og Gjevre, Odde & Vårdal som står for musikken.

Trioen Gjevre, Odde & Vårdal byrja å spele i lag hausten 2017 som eit resultat av fleire dansespelingar og jamsessions. Alle tre er røynde danse- og konsertspelemenn, og har lang fartstid innanfor folkemusikken kvar for seg. Besetninga med hardingfele, torader og trekkspel gjev eit spanande lydbilete, og dei garanterar at det vil rykke i dansefoten til både liten og stor. Repertoaret dei spelar er ei blanding av nykomponert musikk og tradisjonelle slåttar frå Nord-Gudbrandsdalen

Medverkande:
Inge Gjevre, toradar
Mads Erik Odde, trekkspel
Vegar Vårdal, fele

Festivalarenaen vår, Valdres Folkemuseum, er eit av dei største friluftsmusea i landet med over hundre gamle hus og bygningar. I nokre av dei gamle stovene på museet vil det vere variert dansespel utover sommarnatta.

Erfaren eller heilt fersk. La deg rive med i dei taktfaste stega. Kjenn varmen frå menneska som driv rundt i den same rytmen som deg sjølv. By opp til dans, eller ta handa som byr deg opp. I det sosiale samværet i dansen møtest menneske på tvers av ulike føresetnader. I det kroppslege nærværet med dansepartnaren din lærer du deg å ta omsyn, og å vise omsorg for eit anna menneske. Dessutan er det godt å verke saman med andre menneske! Det vil vere dans på fleire golv heile kvelden, også medan det er konsertar.

By opp sjølv, eller ta handa som byr deg opp, og bli med ut på golvet!

Velkomen, gamle og nye dansarar.

Foto: Eva Karlsson

Til drivande godt dansespel kan du svinge deg inn i dei seine nattetimane! I festivalteltet diskar vi opp med gamaldans av beste klasse, og i kveld er det gruppene «Sven Nyhus Kvartett» og dei lokale heltane i «Valdres toradarlag» som står for musikken.

«Valdres toradarlag» er ein god gjeng lokale heltar som debuterte med eit brak og gjekk sigrande ut av tevlingane på Storefjelltreffen i 2024. Sidan har dei spelt til dans og tevlingar og skaffa seg ein stadig veksande tilhengjarskare. Laurdag kjem dei til Hilme og lovar drivande godt dansespel til folket!

Medverkande:
Tom Kjetil Tørstad - toradar
Monica Litangen - toradar
Torjus Tørsdtad - toradar
Tor Nythun Bøe - trekkspel
Erik Onstad - trekkspel
Vegard Thon - toradar
Jostein Hillestad - bass
Kåre Hippe - trommer

Legendariske Sven Nyhus kvartett starta opp i 1969 og var i godt over 50 år eit av dei mest toneangivande og sentrale gruppene innan folkemusikk og gamaldans. Kanskje har du sett eller høyrt dei i eit eller fleire av dei mange radio- og tvprogramma dei har vore med på? Sven Nyhus kvartett var også trufaste spelemann på ei mengd større festivalar og folkemusikkarrangement i både inn- og utland. Dei kan også smykke seg med heile to Spellemannsprisar.

I 2024 gjenoppsto kvartetten, denne gongen med dotter til Sven, Åshild Breie Nyhus, som solist. Kvartetten spelar framleis det kjente og kjære repertoaret, og fela og hardingfela er i førarsetet. Slek fører dei arven etter storspelemannen Sven Nyhus vidare.  Trekkspelaren Tore Løvgreen, frå Valdres, har vore med heilt i frå starten i 1969, og no er vi svært glade for at dei kjem attende til Hilme og dansegolvet på museet!

Medverkande:
Åshild Breie Nyhus - fele og hardingfele
Tore Løvgreen - trekkspel
Tor Bekkelund - gitar
Tom Willy Rustad - bass