Valkyrien – på heimebane!

Foto: Valkyrien

Valkyrien er kjent som eit av dei beste liveband i landet og har sidan starten i 2007 gått føre i utviklinga av den arrangerte folkemusikken. Bandet har drege i nye retningar for kvar utgjeving dei har kome med, og endar opp med eit særeige uttrykk og ein umiskjenneleg signatur. Siste studioalbumet deira – Slutte og byne – vann Spellemannprisen i 2020 i kategorien Vise. For forståsegpåarar i folkemusikken er det likevel tydeleg at bandet har rota si i folkemusikken.

Ein kuriositet er det at to av bandmedlemmene fann tonen og kvarandre på Strunkeveko for mange herrens år sidan. Kanskje var det på sommarkurset i Valdres dei fann inspirasjon til å etablere Valkyrien? Vi vel å tru det!

Bandet består av Tuva Syvertsen, Magnus Larsen junior, Erik Sollid og Martin Langlie, som saman lagar og arrangerer låtane. Både på plate og i levande live er dette eit band som sprutar energi og lidenskap i eit gneistrande samspel.

Konferansier og vertinne for konserten er Alice Gudheim.

Medverkande:
Valkyrien