Avduking av ny gatekunst! 

Foto: Knut Aastad Bråten

I 2019 laga kunstnaren Martin Whatson eit stort portrett av spelemannen Jørgen Sagahaugen Dale på Handelsbygningen i Fagernes sentrum. I 2021 var det gatekunstnar Torunn Skjelland som fekk i oppdrag å pynte opp ein murvegg midt i byen. I 2022 heitte kunstnaren Sedin Zunic. Han laga (truleg) verdas største folkemusikkgatekunst på Fagernes senter. I år utfordrar vi kunstnaren Töddel til å dekorere byen med folkemusikkinspirert kunst. Kven er så Töddel? Den anonyme gatekunstnaren dekorerer by og bygd med samfunnskritisk og humoristisk gatekunst. Töddel tek seg til rette og dekorerer det han vil, der han vil.

Kunstverket blir til med støtte frå Norsk senter for folkemusikk og folkedans, og i samarbeid med Nord-Aurdal kommune.

Medverkande:
Töddel