Ævestaden


Poesien leitar etter det som har utstråling, skriv Adam Zagajewski. Kanskje er det slik også med musikken?

Foto: Johannes Selvaag

Ævestaden flettar tonar på saumlaust vis: lyre, fele, munnharpe, langeleikar, kantele, vokal og elektronikk. I skjeringa mellom tradisjonell folkemusikk og nyskapande musikk skapar dei nye univers, nye klangar, mellom det sakrale og det verdslege, mellom det tilfeldige og det medvitne, mellom harmoni og disharmoni.

Den norsk-svenske gruppa har på kort tid markert seg som ei av dei mest nyskapande folkemusikkgruppene i landet. Trioen består av multiinstrumentalistane Eir Vatn Strøm, Levina Storåkern og Kenneth Lien. Ævestaden debuterte med albumet Ingen mere gråter på Heilo i 2021, som dei fekk Folkelarmprisen for. Bandnamnet er henta frå Magnus Ullelands nynorske omsetting av Dantes Den guddommelige komedie, og er eit uttrykk han brukar om helvete.

Medverkande:
Kenneth Lien, kraviklyre, munnharpe, langeleik, fele, vokal
Levina Storåkern, fele, kantele, vokal, live-elektronikk, langeleik
Eir Vatn Strøm, vokal, kraviklyre, live-elektronikk, synth

KJØP BILLETT »

Konsertar
Start: Laurdag 16. juli kl. 14.00
Slutt: Laurdag 16. juli kl. 15.00
Stad: Briskeby ungdomshus, Fagernes sentrum
Pris: 150 kr