Skal ein sikre tradisjonen for framtida, må ein legge særleg til rette for det.

Foto: Cathrine Dokken

Påmelding til kappleiken skjer her!

I over 60 år har kappleiken på Jørn Hilme-stemnet vore ein viktig del av festivalen.

Du kan melde deg på heilt fram til onsdag 13. juli. Har du lyst til å delta, men ikkje er medlem i FolkOrg, kan du sende ei påmelding direkte til tevlingsleiar Marianne Trøyflat: marianne.gt@gmail.com | 988 18 871

Det blir sett opp startliste i løpet av torsdag 14. juli, og ho blir publisert på nettsida og på Facebook.
For seniorar kostar det 200 kr å delta, for junior og rekrutt er prisen 100 kr. Strunkeelevane deltek gratis. Gratis inngang for alle publikummarar!

Seks dommarar dømmer i alle klasser med utgangspunkt i FolkOrg sitt dommarskjema. Dei med høgast poengsum – uavhengig av klasse – går vidare til finalespel. Vinnaren her tek med seg 10 000 kr medan andre- og tredjepremie er på 5 000 kr og 2 000 kr.

Kappleiken har totalt ni klasser.

• Open klasse
• Eldre folkemusikkinstrument
• Halling
• Hardingfele/vanleg fele
• Pardans
• Samspel av alle slag
• Toradar/trekkspel
• Vokal
• Lagdans

Velkomen på kappleik!