Valdres folkemusikkarrangement søkjer ny dagleg leiar/festivalsjef


Valdres folkemusikkarrangement søkjer ny dagleg leiar/festivalsjef i 100 % stilling til arbeid innan folkemusikkfeltet i eitt av kjerneområda for folkemusikk- og dans i landet.

Stillinga har ansvaret for planlegging, organisering og gjennomføring av Jørn Hilme-stemnet, overordna ansvar for Strunkeveko og for andre aktivitetar gjennom heile året.

Valdres folkemusikkarrangement AS (VFAS) er eit ideelt aksjeselskap heileigd av Valdres folkemusikklag. Selskapet arrangerer folkemusikkfestivalen Jørn Hilme-stemnet og sommarkurset Strunkeveko, som går føre seg i veke 28 kvart år i tillegg til kurs og konsertar gjennom året. VFAS har to tilsette på heilårsbasis, men i festival- og kursperioden blir staben utvida med prosjektmedarbeidarar og frivillige.

 

Arbeidsoppgåver

  • Kunstnarleg ansvar og booking
  • Budsjettering og økonomistyring
  • Pr og marknadsføring
  • Søknadsskriving, rapportering og kulturpolitisk arbeid
  • Frivillig-organisering
  • Sponsorarbeid
  • Dagleg drift av selskapet og rapportering til styret i VFAS

 

Aktuelle kvalifikasjonar og eigenskapar

Vi treng ein strukturert person med gode samarbeidsevner og relevant arbeidserfaring og/eller utdanning innan kulturadministrasjon/økonomi. I tillegg ynskjer vi at du har:    

  • god formuleringsevne skriftleg og munnleg.
  • Leiarerfaring og organisatorisk innsikt.
  • evne til prosjektleiing frå idé til realisering.
  • økonomisk forståing og erfaring med økonomisk styring, budsjettering og rekneskap.
  • god samarbeidsevne og er diplomatisk og løysingsorientert.
  • god kjennskap til folkemusikkfeltet og regionen Valdres. 
  • kunnskap om og vyer for arbeid med folkemusikksjangeren og festivalen.

 

Som type er du:

  • målretta og kan arbeide opp mot ein strategi.
  • Kreativ, initiativrik, sjølvstendig, strukturert og positiv, og evner å skape gode relasjonar i arbeidet med frivillige.
  • interessert i utviklingsarbeid og publikumsbygging.

 

Vi tilbyr

  • 100% stilling med ujamt fordelt arbeidsmengde gjennom året.
  • Ein utfordrande og allsidig jobb.
  • Løn etter avtale.
  • Eit triveleg og kreativt arbeidsmiljø i kulturklynga på Valdres Folkemuseum og eit engasjert folkemusikkmiljø.

 

Send søknad med CV til: kmrstrand@gmail.com innan 12.10.2020

Spørsmål kan rettast til styreleiar Kyrre Strand (932 13 142) eller dagleg leiar Ellen Persvold (990 31 511).  

 

Arbeidsgjevar: Valdres folkemusikkarrangement AS

Stillingstittel: Dagleg leiar/festivalsjef

Stad: Fagernes
Frist:  12.10.2020
Varighet: Fast, 100 % stilling
Tiltreding: 1. desember 2020 eller etter avtale.