Konsertar

Strunkeveko har dei beste lærarane, og desse må få vise seg fram! Strunkeveko har utvikla seg til å bli det største sommarkurset i folkemusikk og folkedans med nær 100 elevar kvart år. På Strunkeveko får elevane kunnig kursing av dei beste lærarane, og ikkje minst får dei venskap som varar livet ut, i eit stort og triveleg folkemusikkmiljø. I tillegg til at lærarane er gode, er dei ofte unge. Fleire av dei er profesjonelle utøvarar som har pedagogisk erfaring som instruktørar. Mange kan òg vise til sigrar frå Landskappleiken og Landsfestivalen.

Tema på Strunkeveko i år er reise!

Velkommen til inspirerande og leikande konsert for heile familien.

Årets strunkelærarar Åsmund Fauske Jøtun, Alexander Aga Røynstrand, Andrea Søgnen, Ingrid Lingaas Fossum, Trygve Liahagen, Bjørn Kåre Odde, Vera Sonne, Vegard Hansen, Erlend Viken, Birgit Haukås, Solveig Brekke Hauknes, Vilde Westeng, Vetle Springgard, Amalie Kinsarvik Tvilde og Håvard Ims tar publikum med på ei variert musikalsk reise i denne konserten.

Velkommen til sjokoladekappleik med elevar frå Strunkeveko! 

Kappleik høyrer med på sommarkurset Strunkeveko, men også sjokolade! Sjokoladekappleiken har kvart år ulike tema, her er det meste lov, og både elevar og lærarar let kreativiteten blomstre vilt. Her legg ein opp til fritt spelerom, og det er berre å glede seg til alle sprella som vil dukke opp. Kven har årets artigaste innslag, og kven vinn prisen for beste kostyme? Kven har X-faktoren? Eit høgdepunkt med kreative innslag og rause domarar.

Tema på Strunkeveko i år er reise!

Velkommen til avslutningskonserten til Strunkeveko. Gled deg til ei kreativ og sprudlande framsyning med over 100 full-lada ungdomar!

Medverkande: Elevane på Strunkeveko

Produsentar: Ådne Geicke Kolbjørnshus og Vetle Springgard