Valdres Folkemuseum


Jørn Hilme-stemnet har det finaste festivalområdet vi kan tenkje oss. Hovudarenaen har i alle år vore Valdres Folkemuseum, landets fjerde største friluftsmuseum. Museet ligg på ei stor halvøy som stikk ut i Strandefjorden og har ei samling på over 100 historiske hus.

Foto: Ingvild Skeie Ljones

Mange av desse husa blir brukt til konsertar, kurs, framsyningar og ikkje minst til dans til langt på natta. Desse rammene har vorte ein sterk del av identiteten til Jørn Hilme-stemnet, på same måte som Jørn Hilme-stemnet er ein del av identiteten til museet. 

Jaslangen
Jaslangen er eit stølslag i vestfjella, ein liten times kjøring frå Fagernes. Her finn ein levande stølar i storslått natur. Solefallskonserten har vakse til ein publikumssuksess der folk i tusental benkar seg i lyngheia medan sola sig sakte over Hemsedalsfjella. 

Kyrkjene
St. Tomaskyrkja og Hedalen stavkyrkje er stadene for dei intime kyrkjekonsertane med djup klangbotn. Begge kyrkjene ber ei rik historie som også blir formidla gjennom arrangementa «Vandring på Kongevegen» og omvising i Hedalen stavkyrkje. Jørn Hilme-stemnet famnar med dette heile Valdres frå Filefjell i nord til Hedalen i sør.

Fagernes sentrum
Kulturhuset i Fagernes sentrum er arena for kappleikane fredag og laurdag. Her er det også kantine for matservering og kort avstand til alle tilbod i Fagernes.

Eit steinkast frå kulturhuset ligg Skiferplassen. Kvar sommar kokar det av skodelystne når Go'kar-tevlinga dreg i gang midt på dagen laurdag. 

Vest i byen, på Briskeby ungdomshus, arrangerer vi to konsertar. Facebook-sida til ungdomshuset finn du her