Hovudside Program Konsertar Solefallskonsert med Odd Nordstoga
Facebook Instagram

Solefallskonsert med Odd Nordstoga

tirsdag 01. august, Jaslangen, Vestre Slidre
Kjøp her
Dette produktet selges via Ticketco.
20.30 Konsert

Velkomen til ein framifrå kveld på Jaslangen i Vestre Slidre! Scena er midt blant lyng og vier i eit av dei flottaste fjellområda i dalføret vårt.

Odd Nordstoga er ein av dei fremste musikarane i landet i dag, oppvokse i Plassen i Vinje, no busett i Oslo. Dei fleste av platene hans har oppnådd eventyrlege suksessar, med fulle hus og stormande jubel. Det er med andre ord borga for ei stor oppleving i valdresfjella. 

I bandet har Odd med seg David Wallumrød på orgel, Tor Egil Kreken på bass, Torstein Lofthus på trommer og Øyvind Blomstrøm på gitar. På konserten i Vestre Slidre får du kjende låtar frå dei siste platene hans, som til dømes Åleine heime (2016), Dette landet (2015) og Heimafrå (2013). 

Frå Fagernes køyrer du E16 til Ulnes, ta av til Vaset og følg skilting til Jaslangen. Turen tek ca 50 minutt. 

Vi oppmodar elles alle til samkøyring. Hugs også varme klede, sitjeunderlag og regnjakke.

Røn musikklag står for sal av kake og kaffi, lappar med syltetøy og rømme, rømmegraut og diverse mineralvatn.

God tur til fjells!

Ta buss til Jaslangen? Les meir her!