Kurstilbod 2011

Påmeldingsfristen for Strunkeveko 2011 gjekk ut 31.mai, men det er enno nokre plassar igjen på enkelte kurs. Sjå "påmelding" for meir info...

 

Dans med vekt på halling:

Dette er kurset for deg som likar å danse og lea deg dagen lang! Instruktørane gjev deg undervisning i hallingdans, akrobatikk og godkarstykkje. Du får óg ei innføring i pardans.

Instruktørar: Anders Aasberg (man+tors-fre), Bjørnar B. Heimdal og Torkjell Lunde Børsheim 

Samspel:

Samspel er eit kurs for deg som har lyst til å lære meir om arrangering og samspel med andre instrument. Dersom du vil vera med på dette kurset må du vera erfaren på instrumentet ditt. Sidan det ikkje kan vera veldig mange deltakarar på dette kurset gjeld "fyrstemann til mølla"-prinsippet!

(For deltakarar på alle slags instrument, gitar, bass osv)

Instruktør: Jorun Marie Kvernberg 

Folkedansteater

Folkedansteater set i år fokus på drama og forteljarkunst, men folkedans vil også vera ein viktig del av kurset. Deltakarane har ansvaret for regien av avslutningsframsyninga vår. Framsyninga heiter "På eventyr" og den raude tråden er kjente og ukjente folkeeventyr.

Intruktørar: Ellen Persvold og Solveig Hårdnes 

Dans og utrykk:

Dette er kurset for deg som allereie har dansa ei stund og er over 16 år. Eit knippe av dei beste instruktørane står klare til å gje deg ei innføring i så vel tradisjonelle dansar som meir moderne danseformar og danseteknikk. Dette er eit kurs som garantert vil gje deg både inspirasjon og danseglede!

Instruktørar: Martin Myhr, Gro Marie Svidal, Håkon Tveito, Sissel Rudningen, Silje O. Hålien, Steinar Strøm, Rolf Bjørgan, m.fl. 

Folkemusikk i perspektiv

Dette er kurset for deg som er mellom 16 og 21 år og held eit høgt nivå på instrumentet ditt. Kanskje har du også ein draum om å kunne ta steget og bli ”profesjonell folkemusikar” ein dag? Det vil bli lagt opp til spanande førelesningar med dyktige musikarar, fordjuping i tradisjonane og historia og du vil sjølvsagt også få undervisning i hovudinstrumentet ditt av framifrå musikarar! John Ole Morken vil ha hovudansvaret for å guide gruppa gjennom veka.
Instruktørar: John Ole Morken, deltakarane  på kurset skal også få møte dei andre lærarane på Strunkeveko.

Instrumentkurs

For å vera med på fele, hardingfele, toradar og trekkspel må du ha spelt på instrumentet ditt i to år. Langeleik og song har tilbod til nybyrjarar. Dersom du har spørsmål om leige av instrument, kontakt oss i god tid før kurset, så kan me hjelpe deg med det. Her skal det bli spel og song i alle krikar og krokar ei veke til endes!

Fele: Ole Foss, Nina Fjeldet og Eivind Kjorstad

Hardingfele: Daniel Sandén-Warg, Erlend Viken og Ingrid Schei Stuhaug.

Toradar/trekkespel: Rannveig Djønne

Langeleik: Turid Berge Endrerud

Song: Åshild Vetrhus og Lajla Renate Buer Storli.

 

Kurspris

Dei ordinære kursa kostar kroner 3 000.

Syskenmoderasjon kroner 600 pr. søsken.

Dette dekkjer kost, losji og undervisning sundag til fredag.

Det kan vera lurt å søkje heimkommunen din og det lokale spel- og dansarlaget om økonomisk støtte.

27. februar 2011 Ina Solvin
Del artikkelen |